Публикации » Район уй-хирĕсенче

25 апреля 2008 г.

 Ака уйăхĕн 25-мĕшĕ тĕлне ял хуçалăх культурисене акма пĕтĕмпе 12107 гектар çĕр хатĕрленĕ. Пĕрчĕллĕ тата пăрçа йышши культурăсене 8028 гектар (75 процент) акнă. Кĕрхи культурăсене 5520 гектар (93 процент) минераллă удобренипе апатлантарнă. Ленин ячĕллĕ, "Знамя" ял хуçалăх предприятийĕсенче çак ĕçе пурнăçламан. Нумай çул ỹсекен курăксене пурĕ 1796 гектар, "Яманчурино", "Клевер" ОООсенче, "Свобода" ЯХПКра, "Бикуловы" хресчен (фермер) хуçалăхĕнче пĕтĕм лаптăка минераллă удобренипе апатлантарнă. 35 гектар (45 процент) пахча çимĕç акнă. Пĕр çул ỹсекен курăксене 2069 гектар акнă. Акнă лаптăксене 9150 гектар пусăрăнтарнă. "Свобода" ЯХПКра 6 гектар çĕр улми лартнă.