Публикации » Ĕçе пĕлсе йĕркеленĕ

18 апреля 2008 г.

"Сатурн" ял хуçалăх производство кооперативĕнче хальхи вăхăтра пур çĕрте те хĕрỹ ĕç шавĕ кĕрлет. Ĕçе пĕлсе йĕркеленĕ: ертỹçĕпе агроном, ревизи комиссийĕн председателĕ хиртен кĕме пĕлмеççĕ, механизаторсен ĕç-хĕлĕпе кăсăклансах тăраççĕ. Кунта чăннипех те çĕр-аннемĕре юратакан çынсем вăй хуни сисĕнет. В.Кукурузов тракторист пек харсăр, ăста çынсем çинче тытăнса тăрать те хуçалăх. Ĕçе тĕплĕ пурнăçлать вăл, техникăна тирпейлĕ тытать. Халĕ вăл 165 гектар çинче урпа акать. Ытти механизаторсем те тăрăшуллă. В.Лисицын тракторист пĕр çул ỹсекен курăк акать. В.Крысовпа А.Ласточкин механизаторсем çĕр хатĕрлеççĕ. В.Семенов шофер вăрлăх турттарать. А.Курчин тракторист пĕр çул ỹсекен курăк анине пусăрăнтарать. Акара механизаторсене тухăçлă ĕçшĕн хавхалантарасси çирĕп йăлара.