11 октября 2017 г.
Сочире иртекен Пĕтĕм тĕнчери çамрăксемпе студентсен XIX фестивальне Чăваш Енрен 125 çын хутшăнмалла. Унсăр пуçне 60 волонтер çула тухмалла.
Юпа уйăхĕн 14-22-мĕшĕсенче Раççей Пĕтĕм тĕнчери çамрăксемпе студентсен фестивальне кăçалхипе виççĕмĕш хут йышăнать. Унччен вăл Мускавра 1957 тата 1985 çулсенче иртнĕ. Мероприятие 180 çĕршыври 20 пин çамрăк килсе çитмелле. Республика Пуçлăхĕ Михаил Игнатьев фестивале хутшăнакансене лайăх хатĕрленме, Чăваш Ен чысне тивĕçлипе кăтартма, хастар та пуçаруллă пулма, çĕнтерỹпе таврăнма сĕннĕ. Вĕсем фестивальте регионсен куравĕсенче, культура программисенче республикăпа паллаштарĕç.