30 сентября 2017 г.
Паян - сентябрĕн 30-мĕшĕнче Чăваш Республикин Пуçлăхĕ Михаил Игнатьев хутшăннипе иртекен "Приложение силы" телепроектăн çĕнĕ кăларăмĕ эфира тухать.
Хальхинче калаçу республикăри вĕренỹ тытăмĕнчи ыйтусем тавра йĕркеленет. Учитель профессин ят-сумне ỹстерес, ятарлă, аслă пĕлỹ илнĕ çамрăк педагогсене шкулсенче ĕçлеме хавхалантарас, икĕ сменăпа вĕренессинчен хăтăлас тесен пурнăçламалли ĕçсем сахал мар.
"Приложение силы" телепроектăн черетлĕ кăларăмне курмасăр ан юлăр. "Раççей 24" телеканалпа ăна паян 19 сехетре, "Раççей 1" телеканалпа тунтикун - октябрĕн 2-мĕшĕнче ирхине 9 сехетре, наци телевиденийĕпе октябрĕн 3-мĕшĕнче 21 сехетре курма пулать.