30 сентября 2017 г.
Шупашкарти районсем хушшинчи çутçанталăк сыхлавĕн прокуратури Интернет çыхăнăвĕнче тĕрĕслев ирттернĕ май саккуна хирĕçлекен информаци вырнаçтарнă сайтсене тупса палăртнă.
Сăмахран, чылай сайтра шыври чĕрчунсене тытма май паракан, анчах та саккунпа усă курма чарнă электровăлта хатĕрлеме вĕрентекен информацие асăрханă йĕрке хуралĕн ĕçченĕсем. Çакăн евĕр материалсем вырнаçтарни Раççей Федерацийĕн "Информаци, информаци технологийĕсем тата информацие хỹтĕлесси çинчен" саккуна хирĕçлет. Йĕркене пăснă тĕслĕхе пĕтерме ыйтса çутçанталăк сыхлавĕн прокурорĕ суда тавăç тăратнă, суд прокурор ыйтăвне туллин тивĕçтернĕ.
Суд йышăнăвне пурнăçа кĕртнине çутçанталăк сыхлавĕн прокуратури тĕрĕслесех тăрĕ.
Кристина КАЛАЧЯН,
Шупашкарти районсем хушшинчи çут-çанталăк сыхлавĕн прокурорĕн пулăшуçи.