23 сентября 2017 г.
Чăваш Республикин Пуçлăхĕн "Чăваш Республикин территорийĕнче вырăнти пуçарулăх çинче никĕсленнĕ общество инфратытăмне аталантармалли проектсене пурнăçа кĕртесси çинчен" указĕ вырăнти ыйтусене татса панă чухне тĕрлĕ шайри бюджет тата халăх укçи-тенкине пĕрлештерме, вырăнти хăйтытăмлăх органĕсене тата халăха пĕр-пĕринпе çыхăнса ĕçлеме май парать.
Вырăнти пуçарулăха аталантарма пулăшакан программăна выляса илнĕ проекта пурнăçа кĕртессишĕн районти ял тăрăхĕсем пысăк тимлĕх уйăраççĕ. Аслă Елчĕк ялĕнчи Свердлов, Аслă Таяпари Парк, Аслă Шăхальти Речная урамсенче хальхи вăхăтра хытă сийлĕ çул тăвассипе тимлеççĕ. Çак ĕçе пурнăçлама ял тăрăхĕсем "ДПМК Яльчикская" ООО организаципе килĕшỹ тунă.