20 сентября 2017 г.
Чăваш Республикин Пуçлăхĕ Михаил Игнатьев Министрсен Кабинечĕн членĕсемпе, федераци службисен регионти уйрăмĕсен ертỹçисемпе грипп вирусне хирĕç кĕрешессипе прививка тăвас ыйту çинчен тĕплĕн чарăнса тăнă.
Асăннă ыйтупа Чăваш Республикин сывлăх сыхлавĕн министрĕ Владимир Викторов доклад тунă. "Кăçал регионта пурăнакансенчен 43 процентне грипран прививка тума тĕллев лартнă, 360 пин аслă çултисене тата 172 пин ачана укол тума йышăннă", - пĕлтернĕ министр. Çакă республикăра гриппа тата ОРВИпе чирлекенсен йышне самай чакарма пулăшнине палăртнă.
Вакцинаци туни аван, халăх чирлемест, иммунитет вăйланать. Республика Пуçлăхĕ регионта çак ĕçе мĕнпур тытăмра вăй хуракансемпе йĕркелесе ирттермеллине çирĕппĕн асăрхаттарнă.