Публикации » Ларура пăхса тухнă

02 сентября 2017 г.

Республика çыннисем ĕç укçине вăхăтра илеççĕ-и? Вăл е ку сăлтавпа тытса шалăва катмаççĕ-и? Паянхи куншăн пĕлтерĕшлĕ ыйтăва Чăваш Ен Пуçлăхĕ çумĕнчи ку енĕпе ĕçлекен комисси ларăвĕнче пăхса тухнă. Хальхи вăхăтра республикăри 20 предприятин шалу парăмĕ 102 миллион ытла тенкĕ шутланать. Уйрăмах пысăк парăмлисем - "Чăвашавтотранс" ГУП, "Чăвашавтодор" ОАО, 1-мĕш типографи. Пĕчĕк тата вăтам бизнесра та ĕçлекенсене вăхăтра шалу паман организацисем чылай чухне çынсем хăйсен прависене пăсни çинчен ертỹçĕсемпе тавлашăва кĕресрен хăраса тивĕçлĕ органсене пĕлтермеççĕ. Республика ертỹлĕхĕ сăрă схемăпа ĕçлекен предприятисене тупса палăртас енĕпе ĕçлет. Акă кăçалхи ĕç планĕпе 33 пин ытла çынпа ĕç килĕшĕвĕ тумалла. Канашлура комисси 2017 çулхи иккĕмĕш çур çул валли ĕç тĕллевĕсене палăртнă.