09 августа 2017 г.
Шупашкар хула кунне уявланă май августăн 19-мĕшĕнче Шупашкарта В.И.Чапаев ячĕллĕ скверта "Чапай чей ĕçме чĕнет" проекта хутшăнма йыхравлаççĕ. Вăл 13 сехетрен пуçласа 15 сехетчен пырĕ.
Уява пынисем пĕр ĕмĕр каяллахи тапхăра таврăнайĕç. Чăн пурнăçра мар ĕнтĕ, чей ĕçме пухăннă самантра. Иртсе кайнă саманана аса илтерекен тумтире кăтартĕç, вăл вăхăтри юрă-ташăпа паллаштарĕç, шурă урхамахпа ярăнтарĕç. Чапаев дивизийĕнчи çар çыннисем те унта пулĕç. Асăнмалăх сăн ỹкерттерме май килĕ. "Чапай чей ĕçме чĕнет" проект Чапаев палăкĕ тавралла "Чапая ытала" вăйă картине тăнипе вĕçленĕ.