00:00 08 декабря 2011 г.
Яков Гаврилович Ухсай 100 çул тултарнине халалласа "Елчĕк ен" хаçат редакцийĕпе районти тĕп библиотека "Ухсай Яккăвне - пĕр ĕмĕр" ятпа шкул ачисем хушшинче ирттернĕ викторина итогĕсене пĕтĕмлетнĕ. Викторинăна шкул ачисем йышлăн хутшăнчĕç. Çавăнпа та чи лайăххисене палăртма çăмăл пулмарĕ. Çапах та комисси Чăваш Тăрăмĕнчи шкулта тăххăрмĕш класра вĕренекен Евгений Малов ĕçĕ чи лайăххи тесе йышăнчĕ. Энтепери Софья Киргизова иккĕмĕш, Хăвăлçырмари Диана Солина виççĕмĕш вырăнсенче. Вĕсем хаçат редакцийĕн Хисеп грамотисене тивĕçнĕ. Çавăн пекех Энтепери Роксана Гаврилова, Чăваш Тăрăмĕнчи Марина Волкова, Станислав Королев, Хăвăлçырмари Марина Краснова, Александра Суркова, Снежана Волкова, Елчĕкри Анастасия Михайлова, Çирĕклĕ Шăхалĕнчи Татьяна Павлова, Ксения Сазонова Ухсай Яккăвĕн кун-çулне пĕлнине çырса кăтартнă. Викторинăна хутшăннă кашни вĕренекене тав тăватпăр, вĕренỹре пысăк çитĕнỹсем тума сунатпăр. В.КИРИЛЛОВА.