Новости » Аслă ăрурисене сума суса

00:00 04 октября 2011 г.

 Ватăсен пĕтĕм тĕнчери кунне халалласа районта кашни ял тăрăхĕнче асра юлмалли уявсем иртнĕ. "Елчĕк ен" хаçат редакцийĕ те пичет ветеранĕсене тĕл пулăва йыхравланă. Редакципе типографинче ĕçлесе тивĕçлĕ канăва тухнă çынсем 15ĕн. Паллах, чире пула пурте уява килеймен. Пуçтарăннă ветерансене "Елчĕк ен" хаçат редакцийĕн тĕп редакторĕ Н.Алексеев ăшшăн саламланă, парнепе чысланă. Иртнине аса илсе нумайччен калаçса ларнă ĕнерхи хаçатçăсем. Хаçатăн малтанхи редакторĕсенчен пĕри, Хĕрлĕçырта пурăнакан ĕçпе вăрçă ветеранĕ, 87 çулхи Петр Михайлов паян та патвар çỹрет, редакци ĕçченĕсене ырă канашсем парать. Ăшă саламсем нумай пулчĕç уявра. Ватăсем кашни çулах тĕл пулу йĕркелеме май тупнăшăн тав тума та манмарĕç.