Новости » Викторинăна пĕтĕмлетнĕ

00:00 13 мая 2011 г.

 Космонавтика кунне халалласа "Елчĕк ен" хаçат редакцийĕ тата районти тĕп библиотека пĕрле ирттернĕ "Космос тата Космонавтика çинчен мĕн пĕлетĕр" викторинăна пурĕ 49 шкул ачи хутшăнма кăмăл тунă. Хаçат ĕçченĕсем çак кунсенче ĕçсене тишкерсе пĕтĕмлетнĕ. Ĕçсене хакланă чух кашни ыйту çине тĕрĕс те тулли хуравсем панисĕр пуçне ĕçе пахалăхлă пурнăçланине те тĕпе хунă. Жюри членĕсем пĕрремĕш вырăна Елчĕк шкулĕнче 1-мĕш "б" тата 7-мĕш "б" классенче пĕлỹ пухакан Марийăпа Юлия Николаевсене, иккĕмĕш вырăна Çирĕклĕ Шăхаль шкулĕнчи 6-мĕш класри Артур Васильевна, 3-мĕш вырăна Чăваш Тăрăм тата Елчĕк шкулĕсенчи Евгений Маловпа Андрей Данилова пама йышăннă. Çĕнтерỹçĕсене дипломсемпе тата парнесемпе хавхалантарĕç.